25 شباط .. يوم الصمت العالمي

تظاهرات بغداد و البصرة و كركوك و الموصل و الانبار و بابل ... نظر اليها العالم و الاعلام العربي على انها بطولة العراق بلعب الدعبل 

لم تغطي التظاهرات الا قناتين او 3 و كلها عراقية ... 

اما التلفزيون العراقي الرسمي ... فانه يغطي تظاهرات ليبيا و البحرين ... و لا يذكر الا طراطيش عن التظاهرات  من خلال الشريط الاخباري

اين هي قناة العربية ؟ اين هي الجزيرة ؟ اين الاعلام الغربي ؟؟؟؟؟ 

اين الضمير العالمي  ... بعد رشق المتظاهرين القنابل الصوتية و المياة والرصاص 

وين صوتك يا اوباما ؟ وينج يا هيلاري ؟؟ اشو خرسيتو ؟؟؟ مو انتو اصدقاء الشعب العراقي .مثل ما تكلولون 

وين صوتك يا خامنئي ؟؟؟ لو هاي مو صحوة اسلامية  مثل صحوة تونس  و مصر على حد قول حضرة جنابك ؟؟؟؟

لكننا لن نصمت امام التجاهل العربي و العالمي لمطالبنا

رسائل قصيرة ممكن تكون مزعجة للبعض

الى دولة رئيس الوزراء .. 

دعوة الناس لعدم التظاهر من اجل حقوقها ... معناه انت ضد اعطاء حقوق الشعب ... فهل انت كذلك ؟

وصف العراقيين المتظاهرين بانهم على الاغلب بعثيين و ارهابيين ... رح يريح ضميرك الحي ؟؟

و موت الناس من الجوع .. شلون تفسره ... هم فلول البعث جاي تسرق اموال الشعب ؟؟

الى الحكومة ...

  المتظاهرين جايين جايين مو الجمعة الصبح يجون العصر ..  مو الجمعة يجون السبت

بالمناسبة منع التصوير رح يزيد شعبية التظاهرات

و مثل ما كال نيوتن .. لكل فعل رد فعل

الى قناة العراقية .. 

عاجل عاجل ... مراسل العراقية المتظاهرين قرابة 300 شخص ... و مطلعين برنامج على الرسم

لا و الله متكلفين زيادة لمساندة حقوق الشعب 

لا تصيرون ابواق رئيس الحكومة ... مثل ما كان تلفزيون العراق ابواق صدام حسين

الى الجيش العراقي البطل ... 

الدستور يكول الشعب المصدر الاساسي مو اوامر رئيس الحكومة

الى رجال الدين اللي ضد التظاهر ... 

بس جاي اذكركم انه هذا نظام محاصصة طائفية و فساد اداري .. بس

الى  كل الشعب العراقي البطل ...

اليوم يوم الاصلاح

الى اهالينا في البصرة الصامدة ...

 لا تخلون اي احد يحول المسيرة عن مسارها ... و الله يوفقكم

الرجل اللي واكف يم المالكي !

طبعا ماكو احد واكف يم المالكي .. من طلع ينتقد التظاهرات اللي صارت في بغداد و باقي المحافظات 

 ...لان هو شخصيا يشغل جميع المناصب الامنية في العراق اللي هي : القائد العام للقوات المسلحة و وزير الداخلية بالوكالة و وزير الدفاع بالوكالة لاكثر من شهرين 

و جاء في الخبر: انتقد رئيس الحكومة العراقية نوري المالكي، الاثنين، تصريحات عدد من السياسيين التي اعتبرها مناوئة لحكومته، وشدد على أنه لا حق لاحد بانتقاد حكومة تشترك فيها كل الكتل البرلمانية

و نقول له .. عن أي حكومة شراكة تتحدث ؟؟؟؟؟؟ 

و الى الان ... ما عدنا وزراء الدفاع و الداخلية و الامن الوطني ... 

عن اي حكومة شراكة تتحدث .. و انتم 9 اشهر  تتفاوضون على تقسيم اموال الشعب و تاليها طلعتوا حبايب و يمكن كرايب   ... 

و بعد 11 شهر ما طلع منكم وزراء امنيين  

رح تطلع السنة على المرحومة اللي اسمها انتخابات ... و الشعب ينتظر تكملة تشكيل الحكومة 

الشعب بس يريد يعرف منو الرجل الغامض .. اللي رح يطلع يم المالكي 




مصدر الخبر : 
http://www.alsumarianews.com/ar/1/17373/news-details-.html

لا يحتاج ان يقلق اي سياسي عراقي من أي مظاهرة للمطالبة برفع البطالة او تحسين الخدمات .. فانه لن يحصل شي لهم


انه عصر ايران الذهبي ... و لسخرية القدر ان القائد الاميركي اوباما يريد تغيير الانظمة المرتمية في حضن (بلد الحرية)  منذ التسعينات ايام حرب الخليج الاولى

فالشعب المصري تظاهر لاجل الحرية ... و كل ربع ساعة يطالب "اوباما" و بايدن و كلنتون بتنحي مبارك ...يحالون سرقة ثورة الشعب لهم !

لو نرجع للوراء ... و نلاحظ التوجه الاميركي بالمنطقة..
منذ السبعينات و الشرق الاوسط محورين و استمر هذا الوضع الى بداية القرن الجديد ...و الان اميركا ققرت تصفية و تهميش محور و تقوية محور اخر

فمحور ايران هو الذي سيبقى قويا بالمنطقة .. ليس لانه الاقوى او الاصلح .... لكنه اميركا تخلت عن المحور الاخر

فمظاهرات طهران على الرغم من الدعم الغربي ا(امام الاعلام )  لها لم تزعزع ولو قيد شعرة عرش احمدي نجاد .... لكن مظاهرات مصر لها طعم آخر


فكل المؤشرات تشير الى تحالف اميركا و ايران في المنطقة  ... و من هذه المؤشرات على الصعيد العراقي

1. طرح مجلس السياسات العليا لارضاء قائمة علاوي و تقاسم السلطة .... و الى هذه الحظة لم يتشكل هذا المجلس الغريب من نوعه !... و باعتقادي لن يتشكل
2. ما زالت الوزارات الامنية كلها بلا وزراء ... و رئيسها بالوكالة هو رئيس الوزراء الحالي

و القائمة تطووووووووول