سوالف امريكية

قصص أمريكية  مترجمة .. بتصرف 

كان حسّوني  (برواية ثانية جيمي و  ثالثة كارلوس ... الخ من روايات حول العالم ) فقير جدا و ما عنده فلوس يشتري دفاتر ... 

و بيوم من الايام جان يجدي (يستعطي) بالشارع بليلة ماطرة ,,,  انقهرت عليه ام ستوري و شربته كلاص حليب بينما هو كان يريد عصير عنب 

المهم .. بعد 30 سنة ام ستوري صار عدها فشل كلوي و ما عدها فلوس علاج .... و تخربطت و نقلوها للطوارئ ...  

ثاني يوم الصبح لكت نفسها مسوية العملية  ... و الفلوس مدفوعة بس ما تدري منين 

و لكت كلاص لبن يمها 

و  طلع الدكتور حسوني .اشهر طبيب انف و اذن و حنجرة بالبلد ... هو نفس الولد اللي انطته حليب قبل تلاثين سنة 

اييييييييييييييييييييييييي الدنيا زغيرة 

----------------------

خالد و احمد طلاب هندسة حاسبات  في اوكرانيا 

بيوم من الايام احمد يشوف خالد وي بنية سمرة تخبل .. ثاني يوم سأله  

جاوبه خالد هاي خطيبتي .... مع انه هم طلاب بنفس القسم الداخلي بس ما يدري صديقه الحميم خاطب  

احمد وي روحه ... حااااااااااااااته تخبل  

خالد سمع ... كله من اليوم هي خطيبتك و بعد سمفونية خليها علينا و عيب عليك ....  راح احمد خطب البنية من ابن خالتها اللي هو هم طالب بس بمعهد نفط 

و بعد اسبوع احمد و مرته .. اختفوا

و بعد شهرين يرجع خالد  اللي خسر خطيبته و صديقه و فلوسه للوطن الغال

و هو بالمطار يشوف وحدة حليوة (مو مثل انجلينا جولي بس شوية احلى منها) ...سلم عليها و سلمت عليه

و بعد يومين  صار مدير عام الشركة مال ابوها المريض ... 

و بعد اسبوعين تزوجوا 

و بعدين شاف احمد و مرته  بالعرس ... ما صدك روحه .. بعدين صاروا عين بعين ... و علكت  

و كله يا حبيبي ... هاي مرتك اني دزيتها للمطار حتى تكلك تعال اشتغل بشركتنا اللي هي مالتي ...  ... و تننطيك حصتها بالشركة حتى اعوضك على البوري مال اوكرانيا 

و  بعد البوس و الحضن ... 

سالت دموع جميع الحضور حتى مدير الفندق نزلت دموعه 

و رجعوا اصدقاء و اليوم هم اصحاب اكبر شكة مقاولات بالبلد بعد ان كانوا طلاب مرحلة اولى باوكرانيا 

و همين الكل عاشت عيشة سعيدة

-------------

طبعا هاي القصص و عشرات غيرها  هي مو قصص اطفال  .... صحيح كتبتها باسلوب لا يخلو من السخرية 

لكن هي قصص يصر كتابها انها حقيقة 100% ,,, و كل يوم نكتشف انها صارت بمدينة شكل .. ...... 

  بنفس التفاصيل تماما بس بغير الاسماء  !!

قصص ظاهرها يبعث على الامل و البسمة و الاحلام الوردية الخالصة 

  بس برأيي الشخصي ... هاي القصص انكتبت كمخدر للشعوب  .... حتى يظل يحلم الشباب بالتوفيق  و امكانية كسر كل الحواجز 

حتى يظل يحلم يصير اكبر تاجر بكل البلد ... و رح يتزوج احلى امرأة بالعالم ....

و الرسالة الاهم ... هي ان الفقر كلمة وهمية لا وجود لها 

لكن هذوله اللي يسمون حالهم فقراء ... هم ناس كسالى و ما عرفوا يلكون الفرصة و ما سعوا ... و لذلك ظلوا على هاي الحال   ... 

هذه القصص هي اللي تخلي الشاب يرضى باقسى ظروف الحياة و السكن  على امل يصير مثل خالد و احمد  

بالمناسبة ... 

سامعين بالمقولة الشهيرة ... للحقيقة اوجه كثيرة 

احمد  و خالد بالاساس  فتحوا مكتب قبولات للطلاب العرب ... و على كل طالب كذا مبلغ ... و يتفاجئ الطالب لا اكو قبول و لا بطيخ 

و يجي للشقة اللي  على اساس مكتب تطلع شركة وهمية 

بس احمد خاف من الشرطة ... لذلك اخذ الفلوس كلها و انهزم 

و من رجع للوطن .. فتح مشروع معمل خياطة 

اخر شي اخذ مقاولات وي الدولة لان ابن الوزير (فلان الفلاني) هو صديقه بالمدرسة  ...  و اليوم  احمد و خالد هم  اصحاب حسابات ابن الوزير بالبنوك الاوربية 

دوخناكم اكيد ... تعذورنا 

لبننة العراق الجديد

بين العراق اليوم و لبنان الأمس و اليوم قصص و اساطير سياسية متشابهة الى حد بعيد نذكر منها البعض

العملية الديموقراطية شفافة الى ابعد الحدود و دائما دائما النتائج تخدع توقعات مكاتب المخابارات اقصد مكاتب استطلاعات الرأي

الشعب المناضل يختار النواب الذين يشكلون حكومة صناعة وطنية ... 1+1 = 4

الاحزاب ذات ديمقراطية داخلية ما موجودة بأعرق ديمقراطيات اوربا .. بحيث اي شخص ممكن يصير نائب بالبرلمان في 5 ايام

و قائد الحزب مثله مثل اصغر عضو بالحزب ممكن اقالته بمظاهرة بسيطة بباب احد مقرات الاحزاب  و مباشرة بستقيل من المنصب

التناوب على رئاسة الاحزاب بالانتخابات الداخلية الدورية و بشكل  شفاف جدا بحيث بث مباشرعلى الهواء

                                                                            

تجري مفاوضات تشكيل الحكومة داخل قبة البرلمان فقط فقط 

من دون أي تأثير لدولة من الجوار او من المحاور عبر القارات 

              

كان تلكم اعزائي المشاهدين كوابيس برلمانين عراقيين و لبنانيين ترشحوا لانتخابات عام 2060  و ما زالوا يشكرون الله لان صحوا من النوم قبل الاصابة بسكتة قلبية في تلك اللحظة

طبعا الواقع تعرفه يا عزيزي المشاهد .. و لا يحتاج الى شروحات مفصلة

لكن بدّل كلمة ديمقراطية بــ اقطاعـقراطية مع التأكيد على الشفافية المرافقة للعملية السياسية


و ما ننسى لقاءات قادة دول الجوار او الدول الكبرى في عواصم اقليمية حول مسئلة تشكيل الحكومتين مع التشديد ان المسئلة شأن داخلي في المؤتمر الصحفي 

لكن المشهد العراقي يتمتع بخصوصية متميزة ...

 .       

تحدث الاعلام عن لبننة العراق اكثر من الحديث عن عرقنة لبنان

2      في المشهد اللبناني محورين لا ثالث لهما محور راس الشارع و محور الاوتستراد بينما عدنا الجهة (س) المرتبطة بمحور راس الشارع تلعب دور مسرحي يختلف عن  الجهة (ص) المرتبطة بالمحور الآنف الذكر .... و هلم جرا

3بما ان الاحزاب العراقية اكثر ديمقراطية فنجد هناك قائدين للحزب قائد تلفزيوني و قائد معلن و لنفس السبب نجد ان سيادة النائب من شدة حبه للعملية السياسية يؤسس حزبا جديدا يحمل نفس الاهداف المعلنة و ربما المخفية ...

و للسبب الاخير نجد ان المواطن الحزبوي بالعراق له اكثر من خيار استراتيجي ليختار نواب ضمن المحاصصة الداخلية بطائفته و ما كذب ابو الامثال من قال انا و اخوي على ابن عمي و انا ابن على الغريب .. و الغريب هنا جارك

       الخارطة السياسية قبل الانتخابات تختلف كثيرا عن الخارطة السياسية بعد الانتخاب .....
لكن هذا لا يعني ابدا ان القادة السياسيين يغيرون مواقفهم او الايديولوجيات ... لكن تغيير التطبيق العملي للايديولوجيا (اكص ايدي اذا الجماعة يغيرون يعرفون المعنى المجازي للكلمة)   حسب ارادة الناخبييرعى مصالح الشعب العراقين او اقصد ارادة رئيس الدولة الفلانية اللي مو بس يرعى مصالح شعبه و لكن مصالح الشعب العراقي الكريم 

أخيرا و ليس آخرا 

6.       تشدد الخطاب الديماغوجي  ال ..... ان سبب الارهاب هو حزب البعث المنحل الفاشي لكن ترسل وفودا الى قيادة حزب البعث في سوريا وفق الرؤى الاستراتيجية و من ثم يعود و يتهمها بضم فلول النظام البائد

و يشدد الخطاب الديماغوجي ال .... ان ايران هي سبب المشكلة و يجب ان لا تتدخل مجددا و من ثم نجد وفدا رفيع المستوى من المحور اعلاه   زار طهران و التقط صورا مع سيادة المفدى نيجاد

اما الخطاب ال.... فانه يتحدث عن تدخل تركيا المستمر في الشأن الداخلي و من ثم نجد وفودا منه تلتقط الصور التذكارية مع اردوغان

و اخيرا نجد الخطاب ال .... يتكلم عن دور الاحتلال القذر في العملية السياسية و من ثم نجده مشترك بحكومة موالية له حسب

كل هذا يدل على الوعي العالي للساسة العراقيين لارادة الناخب و الرؤية الاستراتيجية لفن الممكن او فن الكذب كما يحلو لهم ان يسموه فبالتأكيد هذه التصرفات ليست سياسية




 بالاخير طلب للساسة العراقيين ان يؤجلو اصدار قانون تنظيم الاحزاب السياسية الى اجل غير مسمى ...

العراق المتأمرك

حاروا الاميركان شلون لازم يكون شكل جوهرة الشرق الاوسط و ديزاين العراق الجديد 

عبالهم كلشي يتصمم بالفوتوشوب 

المهم  بعد المناقشات الحثيثة اتفقوا لازم هاي الجوهرة تكون على الطراز الامريكي مية بالمية

فالجماعة كالوا .. لازم يكون العراق فدرالي .. سموه العراق الاتحادي

لازم بكل محافظة يتشكل مجلس محافظة و محافظ اضافة الى فتح باب تحقيق اقاليم جديدة 

من اخر اقتراحات الشباب ... تشكيل مجلس شيوخ عراقي بواقع نائبين من كل محافظة تماما كمجلس الشيوخ الامريكي و بنفس صلاحيات مجلس الكونكرس حتى تتكرر نفس التجرية الديمو قراطية

من اخر الاقتراحات لبايدن افندي .. تشكيل مجلس امن قومي يشمل كل الكراسي سوا من رئاسة و رئااسة وزراء و رئاسة الاقليم المقدس .. باعتبار القادة السلاطين مختلفين ع اللغف و النفوذ  فالحل اعطاءهم مناصب جديدة حتى تزيد رواتبهم و يشكلون الحكومة

و لازم يتأكد من ضعف الجيش العراقي حتى ما يتدخل بالحكومة مستقبلا ... 

ناسين ان الاحزاب اللي شكلت الحكومة تملك ميليشيات لولاها ما تصعد للسلطة

بالحقيقة ... اغراق العراق بمجالس و تشكيلات عبارة عن موظفين بطالين يهدرون المال العام و يتنافسون على المشاريع بحجة صراع السلطات ... ما هو الا فصل جديد- قديم للقيادة الامريكية و اللي يريد سياسينا الافاضل تطبيقها حرفيا من اجل مصلحة كروشهم 

بدل من حملة اعمار العراق كما ادعوا سنة 2003

هذه هي امريكا ... شركات عملاقة تدعم احد الشعراء او الخطباء المميزين حتى يدخل الكونكرس و ياخذ عمولة على كل مشروع جديد 

و الناخب الامريكي لا يهمه الايديولوجية اللي يحملها النائب .... انما خطابه الشعري الحماسي و هل هو من جماعة شركات النفط الا من جماعة شركات الاعلام ... و اهم شي يغطي غسيل الاموال

لكن المأساة الاضافية بالعراق ... انه الخطباء و الشعراء هم واجهات لاحزاب اقطاعية همها الاول تقسيم البلد على اساس طائفي بمساعدة الصحف الصفراء و الاعلام الطائفي ... 

رحم الله ترابك يا ابراهام لينكولن .. عبالك بالحرب الاهلية قضيت على  العبودية ... لا عمري لا 

بالعكس جماعتك الغوا الاقطاع الجنوبي حتى يشكلون نواة الاقطاع العالمي 

بايدن: احنا ما نتدخل بالشؤون الداخلية العراقية .. بس لازم تطبقون تجربتنا باللغف تماما 

اوباما و سيناريو الانسحاب الجزئي و الكلي

اعلن الرئيس الاميركي اوباما نهاية العمليات القتالية في العراق و بداية الانسحاب الجزئي في 31 - 8 و تبقى قوات تدريب و ما الى ذلك 

و بعد يوم ينتقد الجيش الامريكي السلطات العراقية اعلانها ان شهر تموز يوليوهو اكثر الاشهر دموية في العراق ... و يقول انها ضاعفت عدد الشهداء من 222 الى 535  وفق التقديرات العراقية

الارقام تتحدث ... 

زيادة الاعمال الارهابية ضد المدنيين بشكل كبير

اعمال عنف شديدة و همجية ضد افراد بالجيش العراقي و بعد القتل يتم رفع قطعة قماش على انها علم للمنظمة الارهابية التي تسمي نفسها دولة العراق الاسلامية عمليات جديدة لاول مرة

لا ادري هل هذه عرض عضلات بين كافة الجهات  المعروفة بالتدخل في  العراق ؟ 

ام توسل ضمني لبقاء القوات الامريكية كمسرحية ابطالها المدنيين !

ام انها فعلا بسبب خطة اللاخطة التي توصل اليها اوباما للخروج من العراق بسبب وعوده للناخبين بالانسحاب المسؤول 

عن نفسي ارجح ال الثلاث سيناريوهات معا .. و كثير من الامور تؤجح كلامي

الكل يعرف ماذ يحدث في العراق ..  وسوء ادارة الموقف الامريكي منذ 2003 هو احد الاسباب ..

و الارهاب اضافة الى  الجو الطائفي المشحون بسبب الاحزاب العراقية 

الوضع منذ 2008 اتجه نحو الاستقرار الكبير في كثير من مناطق بغداد و ظلت تتخلله عمليات ارهابية كبرى 

لكنها متباعدة

والصدفة انها تقاربت مع بعض في الشهر الاخير الى اليوم 

و البلد يعاني ازمة سياسية بعد 5 شهور على الانتخابات 

يريد اوباما انهائها قبل موعد نهاية العمليات في نهاية آب 

الكل تريد شيئا ما ... ربما هو غير معلن 

و ما زال المواطن في خانة الانتظار

اوباما يريد يكول اني رجال عند كلمتي و كلمتي ما تنزل الارض  !

مصدر الصورة من BBC

http://wscdn.bbc.co.uk/worldservice/assets/images/2010/08/02/100802183326_obama_226x170_afp.jpg  

قراءة في عالم "الرابح يبقى وحيدا"

يدخل باولو كويلو عالما جدبدا في رواياته 

انه عالم الفضائح و الجرائم و النفوذ ..

عرض لكواليس مهرجان كان السينمائي 

تبدأ الرواية "الرابح يبقى وحيدا" بعرض تفصيلي عن كل شخصية  شاءت الصدف ان تأتي الى كان معا 

تدخل الراوية كواليس عالم الطبقة الارفع في هذا العالم .. التي تمتلك المال و السلطة 

و حلمها الذي لا يتوقف ابدا عن الاستمرار

 كيف تتحكم بكل مظاهر حياتنا .. ماذا نلبس و اي مطاعم نرتاد و اي برامج تلفزيونية نتابع 

و عالم يسعى وراء هذا المجد مجازفا بكل شيئ مقابل مجهول 

 و اول مخاطرة هي التخلي عن حياة عادية طبيعية مقابل المجهول 

و عالم يرفض التقاعد و لا يقتنع ان دوره في عالم الشهرة قد انتهى 

مع توضيح ان اغلب مظاهر بهرجة المشاهير لا يملكوها او بالاحرى هم واجهة فعلية للاخرين  

و ان اكبر النجوم لا يحق له اختيار الفلم الذي يريده او توقيع عقد جديد دون موافقة الجهات العليا!

يتخلل هذا المهرجان .. قاتل متسلسل من ذوي الطبقة الارفع يقتل بدم بارد شخصيات لا ترتبط ببعض .. يختارها عشوائيا   ليعطي رسائل لزوجته السابقة حتى ترجع لحبه . و الاحلى انه يعتقد ان الله معه بكل خطوة 

تاركا الشرطة سائرين وراء احلام الترقيات

 الاسلوب اكثر من شيق  و الاحداث متشابكة اكثر و اكثر

 فهل هذا هو العالم الراسمالي البحث حيث المال يتناسب طرديا مع النفوذ 

و الكبار تفعل اي شيئ حتى تكبر اكثر تارة باسم المال و تارة باسم الدين و تارة باسم الوطن ... و الاغلب يبقون على صح !

لن افسد الرواية عليكم اكثر و ادعوكم لقراءتها


ملاحظة أوجهها لشركة المطبوعات للتوزيع و النشر ... باولو كويلو اشهر بكثير من الرواية الرائعة الخيميائي .. فلا نحتاج كل كتاب لكويلو ان يتذكر القراء انه مؤلف الرواية العالمية الخيميائي  

 

غلاف الرواية بالنسخة الانكليزية  

على هامش المونديال

الجمعة 2 تموز - صباحا

هاني: يا مارق ع الطواحين والميي مقطوعة

سيف : صاير تغني للطواحين ... شنو القصة؟

هاني: اليوم رح تدور الطواحين وتطحن البن البرازيلي و باي باي برازيل

خالد : قصدك البرازيل رح تطحن الطواحين 

السبت 3 تموز - 4:00 عصرا 

 هاني : اليوم رح نسحل الارجنيتين بأربعة  مثل ما سحلنا الانكليز

خالد: اليوم رح نكسر المكاين الالمانية على روسكم 

سيف : الارجنتين مو انكلترا... خلي ببالك هذا الشي 

هاني: انت شلون برشلوني و ماتشجع ميسي و الارجنتين؟

خالد: ميسي و البرشا بالشتا.. المانيا بالصيف هههههه

السبت 3 تموز -  منتصف الليل

هاني : الاسبان اليوم ما لعبوا كل طاقتهم 

خالد : ماتادور لعب الثيران ... اخ لو البرتغال ساحلتهم ب 2 ... كان الباراوغواي اليوم خسرانين 3- 0  

سيف: خالد سحلناكم و اليوم سحلنا البارغواي و بعد ايام رح نسحل المانشافت همين

الاربعاء 7 تموز قبل التاسعة بشوية

هاني: نص ساعة تفصلنا عن ملاقاة هولندا بالنهائي   

خالد: اليوم رح تنسحل المانيا ... و نخلص منها 

سيف: اييييييييييييي اليوم الماتادور رح يدوس على المانشافت و نتأهل للنهائي 

بعد المباراة

سيف : هيييييييييييييييييييييييي ... الماتادور سحق المكائن و غدا سيسحق الطواحين 

هاني: احنا خسرنا بشرف

خالد: روح روح العب بعيد  احسن لك .. هم خسرانين و هم الك عين تحجي

ييييييييييييييييييييييي مي بارد نزل على كلبي 

الخميس 8 تموز

خالد :يا مارق ع الطواحين و الدنيا مكلوبة 

سيف : انت البارحة تشجع اسبانبا ؟ اليوم تشجع هولندا ضد اسبانيا؟

خالد: اني شجعت اسبانيا لاني اكره المانيا.. بس أعشق الكرة الشاملة للهولنديين

هامش 1

.   الاسماء لاتتشابه باسماء الواقع ... و أي صدفة تشابه معناها الكاتب لم يضبط شغله مئة بالمئة

هامش 2 

التواريخ دقيقة لكل مباراة

هاموش 3 

هذا الكلام المختصر المفيد من المحادثات  ... و رح نترك القارئ يبحر في التفاصيل الثانوية

الهرم الرأسمالي 5

تابع للقوات المسلحة

الميليشيات ...

هي قوات غير نظامية .. هدفها الحفظ على النظام لكن حسب طريقتها الخاصة ..


و قد تكونت عبر التاريخ في امكنة و ظروف عديدة .. شكلت لهدف و تحولت الى هدف ثاني في اغلب الاحيان ...


عادة تتواجد هذه القوات في المناطق الصعبة عسكريا ..و بذلك هم كل شي .. جيش و شرطة و امن و حتى مخابارت ..


منظمة تنظيم بسيط .. و الانتماء اسهل بدون شرط العمر و غالبا القادة من عائلة واحدة .. و المقاتلين من عوائل اخرى ...


عدم وجود زي محدد و ثابت .. سهل اختفاء هذه العناصر بين افراد الشعب بشكل سهل جدا


و طبعا اي معارضة لسيادة الشيخ - الزعيم - الاغا يعني الخروج عن الجماعة .. و الخروج عن الجماعة يعني الخروج عن كلشي ...


و هذا الشيخ فقط له الحق في تحديد التحالفت مع الحكومة او مع شيخ آخر .. او مع قوات خارجية .. على قاعدة نحن نفكر عنك !






باختصار شديد ... ترتيب هذه القوات و قيادتها الوراثية او غير الوراثية تعني الانتماء للهرم الاقطاعي بينما الجيش الرسمي ضمن الهرم الراسمالي ..


و اسوأ امر دخول هؤلاء الافراد الى القوات النظامية .. يطلع لك نظام هجين الله وكيلك .. و قريب للميليشيات منه الى الجيش النظامي و متأثر بالانتماء العرقي اكثر من الانتماء العسكري






طبعا بسبب التنظيم البسيط و روح الجماعة المسيطرة عليهم .. تحل مشاكل و نزاعات بين المواطنين بشكل سريع و فعال ... في حين الدولة بسبب البيروقراطية و الروتين لا تقدر تقديم نفس الخدمات لا كميا و لا نوعيا ..


و بذلك اذا الفرد تعرض لتهديد يلجا للعشيرة حتى تحميه من قوات العشيرة الاخرى ...


بالمختصر المفيد .. هي عامل استقرار "نسبي " في المناطق المحلية فقط .. و نفوذها يتناسب عكسيا مع نفوذ السلطة التشريعية و التنفيذية


طبعا الكلام كان يشمل القوات غير النظامية المبنية على اساس العشائرية او الانتماء الاقليمي ... و لا يشمل القوات الثورية و التحررية الشعبية .. لان اهدافها احداث تغيير بالوضع او التحرر من الاحتلال ... بينما اهداف القوات من النوع الاول هو الابقاء على هذا النظام اكبر قدر من الامكان اللي يكرس كل هذه الامور التي يرفضها الثوار






شكرا على حسن المتابعة و الى اللقاء بالجزء القادم